GOGORATZEKO EGUNA

Pasa den ekainean ikasturtea egun berezi batekin itxi genuen: gure lasterketa solidarioa.

Ekainaren 7an, ikasleak, familiak, irakasleak eta boluntarioak bildu ginen kirolaz, adiskidetasunez eta elkartasunez betetako goiz batez gozatzeko. Egun horretan, garrantzitsuena ez zen korrika egitea bakarrik izan, baizik eta partekatzea, animatzea eta kausa on baten alde guztion artean gure aletxoa jartzea.

Bildutako dirua Fratelli Proiektura bideratu da, Libanon, La Salle eta Maristen ekimena, haur eta gazte errefuxiatuei eta haien familiei laguntzeko. Hezkuntzaren, eskola-laguntzaren, kirol- eta kultura-jardueren eta bestelako laguntza-programen bidez, Fratellik espazio seguruak eta ikasten jarraitzeko, hazteko eta aukera gehiago dituen etorkizuna eraikitzeko aukerak eskaintzen dizkie.

Orain, perspektiba pixka batekin, egun hark utzi zizkigun une batzuk berreskuratuko ditugu: hasi aurreko emozioa, lasterketan zehar animoak, esfortzua, irribarreak eta, batez ere, elkarrekin gozatzeko gogoa.

Eskerrak eman nahi dizkizuegu parte hartu zenuten guztiei eta, bereziki, jardunaldia posible egiteko boluntario gisa lagundu zenutenei.

Eskerrik asko, halaber, gure babesle eta kolaboratzaileei, gurekin egoteagatik eta ekimen hau babesteagatik.

Irudi batzuk uzten dizkizuegu, une batez, ekainaren 7 hartara itzultzeko.

Izan ere, badira berriro bizitzea merezi duten egunak.